ആത്മീയ ചക്രവാളത്തിലെ സൂര്യതേജസ്സായിരുന്ന കണ്യാല മൗല (റ ) യുടെ നിർദ്ദേശപ്രകാരം 1992 ഏപ്രിൽ 19ന് വൈജ്ഞാനിക ലോകത്തിന് ആത്മ നിർവൃതിയേകി പ്രമുഖ പണ്ഡിതരുടെയും സാദാത്തുക്കളുടെയും ജനസഹസ്രങ്ങളുടെയും നിറസാന്നിധ്യത്തിൽ ഇർഫാനിയ ജന്മംകൊണ്ടു.

ഇസ്ലാമിക പ്രബോധന ഗോദയിൽ കാലത്തിന്റെ നാഡീ മിടിപ്പ് തിരിച്ചറിഞ്ഞു വീരേതിഹാസങ്ങളുടെ പുതു ചരിതം രചിക്കാൻ ഇർഫാനിയ്യ: പ്രതീക്ഷയുടെ നഭസ്സിലേക്ക് വാതായനങ്ങൾ തുറന്ന് കർമ്മധാരയിലേക്ക് കാലൂന്നി, അവകാശവാദങ്ങളുടെ ശബ്ദകോശങ്ങളില്ലാതെ നിശബ്ദത സേവന പരതയാണ് ഇർഫാനിയ്യ: യുടെ പ്രത്യേകത. അല്ലാഹുവിന്റെ ആരിഫീങ്ങളുടെയും ഉഖ്റവിയായ പണ്ഡിതൻ മാരുടെയും സർവ്വാദാരണീയരായ സാദാത്തുക്കളുടെയും അനുഗ്രഹാശിസ്സുകളും അംഗീകാരവും ഇർഫാനിയ്യ യുടെ തേജസ്‌ വർദ്ധിപ്പിക്കുന്നു. ഹൃദയങ്ങൾ തുരുമ്പെടുക്കുന്ന ഭൗതിക സാഹചര്യങ്ങൾക്കിടയിൽ ഈമാനിന്റെ വെളിച്ചം വിതറുന്ന ഒരു ജ്ഞാനാലയമുണ്ട് മേലാറ്റൂർ കല്ലാംപാറയിൽ, ഇർഫാനിയ്യ ശരീഅഃത് & ഹിഫ്ളുൽ ഖുർആൻ അറബിക് കോളേജ്.

ഇത് കേവലം വിദ്യാലയമല്ല മറിച്ച് പാരമ്പര്യ വിജ്ഞാനത്തിന്റെയും ആത്മീയ സംസ്കരണത്തിന്റെയും പവിത്രമായ സംഗമ ഭൂമിയാണ്.

ആത്മീയ ചക്രവാളത്തിലെ സൂര്യതേജസ്സായിരുന്ന കണ്യാല മൗല (റ ) യുടെ പവിത്രമായ നാമധേയത്തിലാണ് ഈ സ്ഥാപനം സ്ഥാപിതമായത് , ആ മഹാനുഭാവന്റെ ആത്മീയ പ്രഭാവം ഇവിടെ നിഴലിച്ചു നിൽക്കുന്നു. ശൈഖുനാ ചെപ്പാരപ്പടവ് ഉസ്താദിന്റെയും സ്വാഹിബുൽ മൗല അഹമ്മദ് വലിയുല്ലാഹി മഹാനരുടെയും കാർമിക ത്വവും കരുതലുമാണ് ഈ കലാലയത്തിന്റെ ജീവനാഡി, അവരുടെ ദീർഘവീക്ഷണവും പ്രാർത്ഥനയുമാണ് കല്ലാംപാറയിലെ മണ്ണിൽ ജ്ഞാനത്തിന്റെ വസന്തം വിരിയിച്ചത്.